20-24 noyabr 2022-ci il tarixlərində Gürcüstanın Xalq Müdafiəçisi Nino Lomcaria və Xalq Müdafiəçisinin müavinləri Brüsseldə rəsmi səfərdə olublar.

Gürcüstanın Xalq Müdafiəçisi Avropa Milli İnsan Hüquqları Təşkilatları Şəbəkəsinin (ENHRI) assambleyasında iştirak edib, burada insan hüquqlarının vəziyyəti ilə bağlı hazırlanmış illik hesabatı müzakirə edib, gələcək planları hazırlayıb və Ukraynada baş verən hadisələrdən danışıblar. Xalq Müdafiəçisinin müavini, ENNHRI-nin Məhdud imkanlı şəxslərin Hüquqları Qrupunun sədri Ekaterine Sxiladze təşkilatın Məhdud imkanlı şəxslərin müdafiəsi istiqamətində fəaliyyətindən və əhəmiyyətindən danışıb.

Səfər çərçivəsində Xalq Müdafiəçisi və Xalq Müdafiəçisinin nümayəndə heyəti Avropa Xarici Fəaliyyət Xidmətinin (EEAS) Gürcüstan masa komandasının rəhbəri Dorota Dluch ilə; Həmçinin Laurens Meregit, Nikolas Sandreviç və Maykl Rupp ilə Avropa Qonşuluq və Genişlənmə Danışıqları Baş Direktorluğunda görüşlər keçirib.

Görüşlərdə əsasən Gürcüstanda insan hüquqlarının müdafiəsinin vəziyyəti, Avropa İttifaqına üzvlüyə namizəd statusunun alınması üçün nəzərdə tutulan və həyata keçirilən islahatların həyata keçirilməsi prosesi və bu prosesdə Xalq Müdafiəçisinin iştirakı barədə danışılıb.