4 sentyabr 2023-cü il tarixində Gürcüstanın Xalq Müdafiəçisi Levan İoseliani Gürcüstanda rəsmi səfərdə olan BMT-nin əlillərin hüquqları üzrə xüsusi məruzəçisi Cerard Quinn ilə görüşüb.

İclasda məhdud imkanları olan şəxslərin hüquqlarının müdafiəsi istiqamətində milli qanunvericilik, dövlət siyasəti və son illərdə həyata keçirilən tədbirlər müzakirə olunub.

Xalq Müdafiəçisi qonağa ofisin fəaliyyəti, məhdud imkanları olan şəxslərin hüquqlarının müdafiəsinin təkmilləşdirilməsi üçün hazırlanmış tövsiyələr, mövzu ilə bağlı vətəndaş sektoru və beynəlxalq təşkilatlarla əməkdaşlığın təfərrüatları barədə məlumat verib.