Gürcüstanın Xalq Müdafiəçisi ictimai məkanda [siyasətçilərdən birinin] verdiyi, məhdud imkanlı şəxsin [siyasətçinin] məhdudiyyətlərinə görə alçaldıcı kontekstdə xatırladılması ciddi narahatlıq doğuran ləkələyici bəyanatlara səslənir. Bu cür bəyanatlar insan ləyaqətinin qorunmasının fundamental prinsiplərini pozur, ölkədə ayrı-seçkiliyi təşviq edir və cəmiyyəti qütbləşdirir.

Məhdud imkanlı olan şəxslərə qarşı ayrı-seçkilik mühüm problem olaraq qalır və məhdud imkanlı olan şəxslər tez-tez stiqmanın, qeyri-bərabər rəftarın və nifrət nitqinin hədəfinə çevrilirlər və bu, onların cəmiyyətə tam inteqrasiyasını çətinləşdirir. Bu cür ifadələr sosial bərabərsizlik problemini artırmaqla yanaşı, bərabərlik prinsiplərinin bərqərar olmasına yönəlmiş müsbət addımların atılmasının qarşısını alır.

Xalq Müdafiəçisi bir daha siyasətçiləri və ictimai xadimləri məhdud imkanlı olan şəxslərin qeyri-bərabər şəraitdə yerləşdirilməsinə imkan verməməyə, alçaldıcı və təhqiredici ifadələrdən çəkinməyə çağırır.

Xalq Müdafiəçisi Aparatı məhdud imkanlı olan şəxslərin hüquqlarının müdafiəsinə nəzarəti davam etdirir və Gürcüstanda ədalətli və bərabər mühitin yaradılmasını təmin etmək üçün ayrı-seçkilik halları ilə bağlı bütün məsələlərin öyrənilməsində fəal iştirak etməyə hazırdır.