25-27 sentyabr 2024-cü il tarixlərində Gürcüstanın Xalq Müdafiəçisi Aparatının Bərabərlik Departamentinin əməkdaşları özəl sektorun nümayəndələri üçün “Bərabərlik hüququ və ayrı-seçkiliyin aradan qaldırılması: qarşısının alınması və reaksiya mexanizmləri” mövzusunda təlim keçirmişlər. Tədbir Əmək Müfəttişliyi Xidməti ilə əməkdaşlıq və Avropa Şurasının dəstəyi ilə keçirilib.

Təlim çərçivəsində iqtisadiyyatın müxtəlif sahələrinin özəl sektor və dövlət qurumlarının nümayəndələri bərabərliyin mahiyyəti, ayrı-seçkiliyə yol verilməməsi prinsipi, formaları və əsas xüsusiyyətləri haqqında ətraflı məlumat almışlar; Əmək münasibətlərində ayrı-seçkilik və iş yerində cinsi qısnama mövzularına və onlara reaksiya mexanizmlərinə xüsusi diqqət yetirilib; Həmçinin, Xalq Müdafiəçisi və Əmək Müfəttişliyi Xidmətinin səlahiyyətləri və fəaliyyəti ilə tanış olublar.

Xalq Müdafiəçisi Aparatı iqtisadi sektorun bərabərlik məsələləri ilə bağlı biliklərini dərinləşdirmək istəyini alqışlayır.

Xalq Müdafiəçisi təhsil fəaliyyətini bərabərliyin təmin olunması prosesində ən mühüm komponent hesab edir və bu baxımdan gələcəkdə də müxtəlif qurum və təşkilatlarla əməkdaşlığı nəzərdən keçirəcək.