21 oktyabr 2020-ci il tarixində Gürcüstanın xalq müdafiəçisi Gürcüstan Baş Prokuroruna İctimai Yayımçı "Acarıstan Televiziyası və Radiosunun" işçilərinin təqib olunmasına dair istintaq başlanılması təklifi ilə müraciət etdi.

İşin vəziyyətini araşdırarkən televiziya işçilərinin müxalif fikirlərə görə, xüsusən rəhbərlik qərarları ilə bağlı tənqidi fikirlərini açıq şəkildə bildirdiklərinə görə mühakimə olunduqları məlum oldu. Əsassız və ya əslində səhv əsaslandırılmış, konkret işçilər üçün funksiyaların birtərəfli dəyişdirilməsi, intizam icraatına başlanılması və işdən çıxarılması, motivləri sözügedən şəxslər tərəfindən tənqidi fikir ifadə azadlığını məhdudlaşdırmaq idi.

Xalq müdafiəçisi istintaq orqanının təsvir olunan faktları mülki mübahisənin predmeti hesab etdiyinə və istintaqa başlamadığına diqqət çəkdi. Şübhəsiz ki, televiziya işçiləri tərəfindən əmək hüquqlarının bərpası üçün məhkəməyə müraciət etmək, mümkün cinayətə (təqibə) görə kifayət qədər cavab tədbiri hesab edilə bilməz. Bununla belə, mülki məhkəmə prosesi mümkün cinayətin əlamətlərini ehtiva edən faktların araşdırılmasına mane olmur.

Buna görə, Gürcüstanın xalq müdafiəçisi hesab edir ki, "İctimai Yayımçı Acarıstan Televiziyası və Radiosunun" işçilərinə qarşı mümkün təqib əlamətlərini ehtiva edən hərəkətlər istintaq orqanı tərəfindən adekvat qiymətləndirmə, istintaqın başlanılması və müvafiq qanuni tədbirlərin görülməsini tələb edir.