Gürcüstan Xalq Müdafiəçisi Aparatı Gender Departamentinin və Regional şöbəsinin əməkdaşları qadınlara qarşı zorakılığa qarşı 16 günlük kampaniya çərçivəsində Gürcüstanın müxtəlif şəhər və kəndlərində onlarla görüş keçirib.

Bu ilki kampaniyanın əsas mövzusu uşaq nikahları olub, çünki məcburi uşaq nikahı halları hələ də problem olaraq qalır. İclasda belə cinayətlərlə bağlı dövlət tərəfindən sərt siyasətin həyata keçirilməsinin və bütün aidiyyatı qurumların işinin əlaqələndirilməsinin vacibliyi vurğulanıb.

Xalq Müdafiəçisinin əməkdaşları müxtəlif tematik qruplarla Xalq Müdafiəçisinin mandatı haqqında danışıblar. Onlar gender bərabərliyi hüququnun qorunması baxımından mövcud çətinlikləri və bu istiqamətdə Xalq Müdafiəçisinin tövsiyələrini nəzərdən keçiriblər.

Kampaniya zamanı Xalq Müdafiəçi Aparatının əməkdaşları müxtəlif qurumlar və bələdiyyələr tərəfindən təşkil olunmuş maarifləndirici görüşlərdə də iştirak etmiş, iştirakçılar onlar üçün vacib olan mövzuları müzakirə etmişlər.

Qadınlara qarşı zorakılığa qarşı kampaniya hər il noyabrın 25-dən dekabrın 10-dək bütün dünyada müşahidə edilir və məqsədi gender bərabərliyi, qadınlara qarşı zorakılıq və ailə daxili zorakılığı, uşaq nikahları və insan hüquqları haqqında məlumatlandırmaqdır.