9-10 iyul 2024-cü il tarixlərində Gürcüstanın Xalq Müdafiəçisi Batumidə keçirilən və müasir qlobal çağırışların aradan qaldırılmasında dini maarifləndirmənin rolunun müzakirə olunduğu ikinci gürcü-amerikan beynəlxalq konfransında iştirak etmişdir.

Konfransda Gürcüstanın Xalq Müdafiəçisi dini tolerantlıq baxımından illər ərzində öyrənilmiş çətinlikləri və onların aradan qaldırılması istiqamətində idarənin iş təcrübəsini müzakirə edib, həmçinin dini etiqad azadlığı və dini etiqad azadlığı hüququnun həyata keçirilməsində Xalq Müdafiəçisi Aparatının rolunu vurğulayıb və işlənmiş tövsiyələri də təqdim edib.

Levan İoseliani çıxışında sovet dövründə zəbt olunmuş dini tikililərin tarixi sahiblərinə qaytarılması məsələsinə, dəymiş ziyanın və müsadirə edilmiş əmlakın məbləğinin təsviri və qiymətləndirilməsi prosesinə başlanmasının zəruriliyinə xüsusi diqqət yetirib. O, Gürcüstanın işğal olunmuş ərazilərində dini etiqad azadlığı ilə bağlı mövcud vəziyyətə də nəzər salıb.

Digər məsələlərlə yanaşı, Xalq Müdafiəçisi mərkəzi hökumət və özünüidarəetmə orqanlarının Gürcüstanda fəaliyyət göstərən dini qurumlarla sıx əməkdaşlığının və əlaqəsinin vacibliyindən danışıb və hökuməti Xalq Müdafiəçisinin tövsiyələrini, o cümlədən qanun layihəsini elan etmək tövsiyəsini nəzərə almağa, mövcud problemlərin həlli üçün azlıqların dini bayramlarının Əmək Məcəlləsində bayram kimi qəbul edilməsinə çağırıb.

Konfransı Dini Qurumlarla İş üzrə Dövlət Agentliyi və Amerika Birləşmiş Ştatlarının nüfuzlu qeyri-hökumət təşkilatı olan “Qlobal İştirak İnstitutu” təşkil edib.