2024-cü il noyabrın 19-da Gürcüstanın Xalq Müdafiəçisi Levan İoseliani işğal xətti boyu sakinlərin vəziyyəti ilə tanış olmaq üçün Şida Kartliyə gedib və Ditsi və Kordi kəndlərinin sakinləri ilə görüşlər keçirib.

Görüşlərdə əhali əsasən təhlükəsizlik və infrastruktur problemlərindən danışıb. Diqqətə çatdırılıb ki, digər problemlərlə yanaşı, kəndlərdə daxili yollar da qeyri-mütəşəkkildir, suvarma suyu kanallarının yenilənməsinə ehtiyac var, aptek yoxdur, ictimai mərkəzlər də fəaliyyət göstərmir. Nəticədə gənclərin miqrasiyası yüksəkdir ki, bu da ərazilərin əhalisinin azalmasına səbəb olur.

“İşğal xəttinə yaxın kəndlərə baş çəkməyi, burada yaşayan sakinlərlə görüşləri davam etdirirəm. Daim müxtəlif növ problemlərlə, o cümlədən təhlükəsizliklə üzləşən insanların vəziyyəti ilə tanış olmaq, onların yanında olmaq mənim üçün çox vacibdir.

Bu yaxınlarda iki nəfər qanunsuz həbs edilib. Hesab edirəm ki, belə təhlükəli şəraitdə yaşayan insanlara dövlət tərəfindən xüsusi qayğı göstərilməlidir. Ona görə də düşürəm, onlarla görüşürəm, birbaşa vəziyyətləri ilə tanış oluram.

Hər bir görüş bizə imkan verir ki, mövcud problemləri, insan hüquqlarının pozulmasının növlərini ətraflı təsvir edək və onların aradan qaldırılması yollarını görək. “Daimi monitorinq bizə nəticə çıxarmağa kömək edir, biz onları sonradan müvafiq məsul dövlət strukturlarına təqdim edirik, həmçinin illik və ya xüsusi hesabatlarımızda əks etdiririk”, - deyə Xalq Müdafiəçisi bildirib.