İctimai mənbələrdə yayılan videogörüntülərdə əks olunan polisin vətəndaşlara, jurnalistlərə və siyasətçilərə qarşı pis rəftar və həddən artıq güc tətbiq etməsi faktları narahatlıq doğurur. Televiziya Pirvelinin polis əməkdaşları tərəfindən yaralanan operatoru ilə bağlı da məlumatlar yayılır. Polis məmurlarının qadınları, o cümlədən qadın siyasətçiləri şifahi şəkildə təhqir etməsinin canlı görüntülərini də gördük.

Xalq müdafiəçisi polis əməkdaşlarının hər cür qanunsuz hərəkətlərini, xüsusən də pis rəftar əməllərini pisləyir. Xalq Müdafiəçisi hər bir hadisə ilə bağlı qanuni tədbirlər görəcək.

Xalq müdafiəçisi Xüsusi İstintaq Xidmətini bütün bu faktlarla bağlı dərhal araşdırma aparmağa və aidiyyəti şəxsləri cinayət məsuliyyətinə cəlb etməyə çağırır. Biz həmçinin Daxili İşlər Nazirliyinin Baş Müfəttişliyini polis əməkdaşları tərəfindən şifahi təhqir və qeyri-etik davranış faktları ilə bağlı xidməti araşdırma aparmağa çağırırıq.

Xalq Müdafiəçisinin nümayəndələri həbsdə olan bütün vətəndaşlara, o cümlədən siyasətçilərə baş çəkəcək. Əlavə məlumat daha sonra ictimaiyyətə təqdim olunacaq.

İnsan hüquqlarının pozulması ilə bağlı məlumatların qəbulu üçün Xalq Müdafiəçisinin 1481 qaynar xətti 24 saat fəaliyyət göstərir.