21 mart Ümumdünya Daun Sindromu Günüdür. Bu günün qeyd olunmasında əsas məqsəd daun sindromlu insanlar haqqında ictimaiyyəti məlumatlandırmaqdır.

2025-ci ildə günün mesajı “Dəstək sistemlərimizi təkmilləşdirin”dir ki, bu da hökumətləri Daun sindromlu insanlara bərabər şəkildə daxil olmaq və ictimai həyatda iştirak etmək üçün dəstəkləməyə çağırır.

Gürcüstanda daun sindromlu insanlar və onların ailələri hələ də hüquqlarını həyata keçirməkdə problemlərlə və müxtəlif çətinliklərlə üzləşirlər. Onların arasında məhdud imkanlılığın sosial modelinin vaxtında həyata keçirilməsini, səhiyyə xidmətlərindən istifadə imkanını, cəmiyyətdə stiqma və stereotipləri, davamlı və keyfiyyətli inklüziv təhsili, açıq əmək bazarında məşğulluq və peşəkarlıq üçün bərabər imkanların yaradılmasını, ölkənin ictimai-siyasi həyatında iştirakını qeyd etmək lazımdır. Problem Daun sindromlu insanlar üçün vaxtında və uyğunlaşdırılmış müstəqil yaşayış dəstəyi xidmətlərinin olmamasıdır.

Gürcüstanın Xalq Müdafiəçisi dövləti Daun sindromlu insanların hüquqlarının müdafiəsini və bu insanlara dəstək sistemlərini təkmilləşdirməklə onların gündəlik həyata tam daxil edilməsini təmin etmək üçün ardıcıl və nəticəyönümlü addımlar atmağa çağırır.