Yeni koronavirusun yayılması və fərdi və kollektiv olaraq insan sağlamlığı və həyatı üçün ciddi təhlükə yaradan ağır epidemiya, habelə Xalq Müdafiəçisi işində təhlükəsiz mühitin yaradılması və işçilərin ünsiyyət qurduğu şəxslərin qorunması məqsədi ilə Xalq Müdafiəçisi Kovid sənədi təqdim etmə öhdəliyi barədə qərar verdi.

Əmrə əsasən, Xalq Müdafiəçisi Aparatının bütün işçiləri tam peyvənd edildiyini təsdiq edən sənəd və ya həftədə bir dəfə öz hesabına götürülmüş PCR testinin mənfi nəticəsini təqdim etmək məcburiyyətindədirlər.

Xalq Müdafiəçisi Aparatının bir işçisinin Kovid sənədi olmadan ofisdə və ya ofisdən kənarda (uzaqdan işləmək istisna olmaqla) işləməsinə icazə verilməyəcək; işə gəlməməsi və ya vəzifəsini yerinə yetirməməsi bağışlanmayan səbəb sayılacaq.

İstisna olaraq, sağlamlıq vəziyyəti (Kovid 19-dan sonrakı xəstəlik dövrü də daxil olmaqla) səbəbindən peyvənd olmağa tibbi əks göstərişi və ya müvəqqəti olaraq əks göstərişi olan işçilər, həkim tərəfindən peyvənd edilməsinin mümkün olmadığını bildirən bir sənəd təqdim etməlidirlər. Bu vəziyyətdə, Xalq Müdafiəçisi Aparatı, işçinin tutduğu vəzifənin xüsusiyyətlərindən və xidmətin ehtiyaclarından asılı olaraq, onun üçün fərqli bir iş rejiminin qurulması və ya müvəqqəti əks göstərişlər dövründə, Aparatın hesabına PCR testi etmək məsələsini müzakirə deəcək.

Onu da qeyd edək ki, avqustun 27 -nə olan məlumata görə, Xalq Müdafiəçisi Aparatının işçilərinin 80% -i peyvənd olunub.