Gürcüstanın Xalq Müdafiəçisi ilk növbədə Quriyada baş vermiş təbii fəlakətlər nəticəsində insan tələfatından kədərləndiyini bildirir və mərhumun ailə üzvlərinə başsağlığı verir.

İndiyədək Quriya bölgəsindəki kəndlərin xarici aləmlə əlaqəsinin kəsilməsi və vətəndaşların, o cümlədən qocalar, uşaqlar və məhdud imkanlı şəxslər, ağır vəziyyətdə (elektrik enerjisinin kəsilməsi, ərzaq çatışmazlığı, yaşayış binalarının uçması/dağıdılması riskləri), eləcə də yaralanan vətəndaşlarla bağlı çoxsaylı xəbərlər yayılıb.

Xalq müdafiəçisi vurğulayır ki, həm mərkəzi, həm də yerli özünüidarəetmə orqanları qanunvericiliyə əsaslanaraq, birgə səylər və müvafiq resurslardan istifadə etməklə, insanların həyatının, sağlamlığının, ətraf mühitin və əmlakın qorunması üçün təbii amillərin yaratdığı fövqəladə hallar da daxil olmaqla, müvafiq kompleks tədbirlər həyata keçirməlidir.

Quriya və digər bölgələrə güclü qar yağması nəticəsində yaranan ciddi problemlər təbii fəlakətlərlə bağlı ilk növbədə fövqəladə halların idarə edilməsi, təhlükələrin müəyyən edilməsi və bələdiyyələrə xas olan risklərin nəzərə alınmaqla müvafiq risklərin idarə edilməsi planlarının hazırlanması ilə bağlı olan qabaqlayıcı və sonrakı tədbirlərin səmərəsizliyini bir daha ortaya qoydu. Bu, insanların həyatının, sağlamlığının, təhlükəsiz mühitdə yaşamasının, mülkiyyət hüquqlarının qorunması maraqları ilə birbaşa bağlıdır və Gürcüstanın Xalq Müdafiəçisi öz mandatı çərçivəsində onların qorunmasına nəzarəti davam etdirir.