27 sentyabr 2024-cü il tarixində Gürcüstanın Xalq Müdafiəçisi Levan İoseliani Xalq Müdafiəçisi Aparatının Kutaisi ofisində İmereti vətəndaş cəmiyyətinin nümayəndələri və qadın hüquqları müdafiəçiləri ilə görüşüb.

İclasda gender bərabərliyi baxımından regionda mövcud vəziyyət, vətəndaş sektorunun hüquqlarının müdafiəsi, maarifləndirmə məsələləri və digər ehtiyac və çağırışlar müzakirə edilib.

Xalq Müdafiəçisi görüş iştirakçılarına Aparatın mandatı, qadınların səlahiyyətlərinin artırılması istiqamətində cari fəaliyyət və prioritetləri təqdim edib. Gələcək əməkdaşlıq imkanlarından da danışıblar.

Tədbir Gürcüstanın Xalq Müdafiəçisi və Birləşmiş Millətlər Təşkilatı Qadınlar Təşkilatının Gürcüstan ofisi tərəfindən birgə və Norveç hökumətinin maliyyə dəstəyi ilə təşkil olunub.