23 may 2022-ci il tarixində Ankarada Avropa Birliyi və Avropa Şurasının “Vəkillər Kollegiyaları və Hüquqşünasların Bacarıqlarının Avropa İnsan Hüquqları Standartları istiqamətində Gücləndirilməsi” Birgə Layihəsi çərçivəsində Vəkillər üçün 6-cı Maarifləndirmə Toplantısı keçirilmişdir.

Tədbirdə Gürcüstanın birinci Xalq Müdafiəçisi Tamar Qvaramadze Ombudsman İnstitutunun insan hüquqlarının müdafiəsi vasitəsi kimi fəaliyyət göstərməsindən danışıb və Gürcüstanın Xalq Müdafiəçisi Aparatının fəaliyyətini tədbir iştirakçılarına təqdim edib.

İclasda Türkiyə Vəkillər Kollegiyası, Ankara Universiteti, Avropa Şurası, Birləşmiş Millətlər Təşkilatı və Türkiyə Ombudsman İnstitutunun nümayəndələri iştirak ediblər. Ombudsman təsisatının Avropa və beynəlxalq nöqteyi-nəzərdən hüquqi əhəmiyyəti, Türkiyənin insan hüquqları institutlarının iş prinsipləri və praktiki tövsiyələri müzakirə edilib.