2022-ci il yanvarın 30-na keçən gecə Mindel mədənində baş vermiş partlayış nəticəsində 9 nəfər xəsarət alıb. Onlardan biri xəstəxanaya aparıldıqdan sonra dünyasını dəyişib. Xalq müdafiəçisi baş vermiş hadisə ilə bağlı dərin hüznlə kədərləndiyini bildirir, mərhumun ailəsinə başsağlığı verir və yaralananların tezliklə sağalmasını arzulayır.

Yayılan məlumata görə, Daxili İşlər Nazirliyində mədən, tikinti və ya digər işlərin görülməsi zamanı təhlükəsizlik qaydalarını pozma maddəsi ilə cinayət işi başlanıb. Əmək müfəttişliyi də araşdırmalara başlayıb.

Təəssüf ki, dünənki fakt Tkibuli mədənlərində işçilərin xəsarət alması və ölməsi ilə bağlı ilk hadisə deyil. Əvvəlki illərdə orada baş verən qəzalarda xeyli insan həyatını itirmişdi.

Xalq Müdafiəçisi gələcəkdə oxşar halların baş verməməsi üçün Gürcüstanın Daxili İşlər və Əmək Nazirliyini hadisəyə vaxtında və effektiv reaksiya verməyə, o cümlədən faciənin səbəblərini müəyyən etməyə çağırır. O, həmçinin Əmək Müfəttişliyinə müraciət edir - cari yoxlama çərçivəsində bütün pozuntuları və riskləri müəyyən etmək və onların aradan qaldırılması üçün bütün qanunvericilikdə nəzərdə tutulmuş rıçaqlardan istifadə etmək lazımdır.

Eyni zamanda, Xalq Müdafiəçisi mövcud qanun pozuntularının vaxtında aşkar edilməsi və aradan qaldırılması üçün Tkibulidə və digər yüksək riskli obyektlərdə sistemli yoxlamaların aparılmasını vacib hesab edir.