9 mart 2022-ci il tarixində Xalq Müdafiəçisinin nümayəndələri 12 saylı Cəzaçəkmə Müəssisəsinə baş çəkib, burada məhkum Mixail Saakaşvili ilə görüşüb və tibb işçiləri ilə söhbət ediblər. Səfərdə aydın oldu ki, Mixail Saakaşviliyə müvafiq profilli klinikada dərhal müvafiq müayinələr keçirməsi və əlavə tibbi xidmətlər göstərməsi zəruridir.

Penitensiar müəssisənin həkimindən aldığımız məlumata görə, aclıq fonunda Mixail Saakaşvilinin səhhəti pisləşib və bir sıra göstəricilər və şikayətlər xüsusilə diqqətəlayiq hesab olunur. Bunun üçün təcili araşdırmalar lazımdır, həbsxanada bu mümkün deyil.

Verilən məlumata görə, Penitensiar Xidmətin təşəbbüsü ilə martın 7-də Mülki Klinikanın həkimləri 12 saylı müəssisədə olublar, Mixail Saakaşvilinin səhhətini yoxlayıb və qanunvericiliyə görə, 2-5 gün ərzində təcili olaraq mülki klinikada əlavə müayinələrə ehtiyac olduğunu müəyyən ediblər.

Qeyd edək ki, beynin maqnit rezonans tomoqrafiyası (MRT tədqiqi) hələ indiyədək aparılmayıb. Tədqiqatla bağlı tövsiyə yanvarın 19-da ombudsman ekspertlər qrupu tərəfindən verilib. MRT tədqiqatına ehtiyac penitensiar qurum tərəfindən bölüşdürüldü və hətta planlaşdırıldı, lakin indiyə qədər heç bir nəticəsi olmadı.

Məhkumun son iki ay ərzində tövsiyyə edilən və nəzərdə tutulan tibbi yardımı almadığını nəzərə alaraq, Xalq Müdafiəçisi Aparatı hesab edir ki, martın 7-nə təyin edilmiş təxirəsalınmaz tibbi müayinələrin əsassız olaraq, o cümlədən qanunun tələblərini bilavasitə pozulması ilə keçirilməsinə və/və ya gecikdirilməsi baş verə bilər.

Avropa İnsan Hüquqları Məhkəməsinin müəyyən etdiyi standarta görə, məhkuma vaxtında və hərtərəfli, adekvat müalicənin göstərilməməsi, dəqiq diaqnozun qoyulmaması və adekvat tibbi xidmətin göstərilməməsi İnsan Hüquqları Konvensiyanın 3-cü maddəsinin pozulmasına bərabər ola bilər. Hansı ki İşgəncə, qeyri-insani və/və ya ləyaqəti alçaldan rəftar daxil olmaqla nəzərdə tutur.

Xalq Müdafiəçisi Xüsusi Penitensiar Xidməti təcili olaraq lazımi tibbi müayinələrdən keçirməyə və penitensiar sistemin həkimləri/dəvət olunmuş həkimləri tərəfindən Mixail Saakaşviliyə tövsiyə olunan tam tibbi xidmət göstərməyə çağırır.