30 iyun, 1, 3 və 4 iyul 2025-ci il tarixlərində Gürcüstanın Xalq Müdafiəsi Aparatının nümayəndələri Şida Kartlinin dörd bələdiyyəsində - Qori, Kaspi, Xaşuri və Kareli bələdiyyələrində yerli özünüidarə meriaları və şuralarının nümayəndələri, habelə qeyri-kommersiya təşkilatlarının (qeyri-hüquqi təşkilatların) əməkdaşları üçün məlumat görüşləri keçiriblər.

Görüşlər çərçivəsində iştirakçılara ayrı-seçkiliyə qarşı milli mexanizm kimi Xalq Müdafiəçisinin səlahiyyətləri və fəaliyyəti haqqında ətraflı məlumat verilib. Cinsi qısnama mövzusuna - qanunvericilik qaydalarına, Xalq Müdafiəçisinin təcrübəsinə, problemin müəyyən edilməsi, qiymətləndirilməsi və cavablandırılması qaydalarına xüsusi diqqət yetirilmişdir.

Görüşlərin keçirilməsində məqsəd iştirakçı qruplar arasında maarifləndirmə işi aparmaq, eləcə də yerlərdə çətinlikləri və problemli halları müəyyən etmək olub. Görüşlərdə iştirakçılar təcrübəyə əsaslanan nümunələri, o cümlədən işlərə baxılması metodologiyasını və qərarların qəbulu mərhələlərini müzakirə ediblər.

İnsan hüquqlarının müdafiəsinin təşviqi, bərabərlik prinsipinin bərqərar olması və ayrı-seçkiliyə qarşı siyasətin gücləndirilməsi məqsədilə Xalq Müdafiəçisi Aparatı gələcəkdə də ölkənin müxtəlif bölgələrində analoji görüşlərin keçirilməsini davam etdirəcək.