19-20 sentyabr 2024-cü il tarixlərində Gürcüstanın Xalq Müdafiəçisinin müavini İrine Çixladze və Xalq Müdafiəçisi Aparatının Uşaq Hüquqları Departamentinin rəhbəri vəzifəsini icra edən Lika Qvinjilia Uşaqlar üçün Ombudsmanların Avropa Şəbəkəsinin (ENOC) 28-ci İllik Konfransında və Baş Assambleyasında iştirak etmişdir.

Bu il konfransın əsas mövzusu dövlət qayğısında olan uşaqların hüquqlarının müdafiəsi və təşviqi olub. Tədbir çərçivəsində dövlət himayəsində olan uşaqlar üçün təhlükəsiz, dəstəkləyici, uşaqlar üçün əlverişli mühitin yaradılması məqsədilə dövlətlərin müvafiq tədbirlərin həyata keçirilməsinin zəruriliyi vurğulanıb və onların hərtərəfli inkişafına diqqət yetirilib.

Baş Assambleya çərçivəsində şəbəkə üzvləri ENOC-un dövlət himayəsində olan uşaqların hüquqi statusunun yaxşılaşdırılmasına yönəlmiş tövsiyələri əks etdirən 2024-cü il üçün mövqe sənədini qəbul ediblər.

Uşaqlar üçün Ombudsmanların Avropa Şəbəkəsinin (ENOC) missiyası şəbəkə üzvlərinin və maraqlı tərəflərin bacarıqlarının artırılması, təcrübə mübadiləsi, təbliğat və qarşılıqlı dəstək vasitəsilə uşaq hüquqlarını qorumaqdır.

ENOC şəbəkəsinə üzvlük Gürcüstanın Xalq Müdafiəçisi Aparatı üçün çox vacibdir və ofis şəbəkə ilə fəal əməkdaşlığı davam etdirir.