Xalq Müdafiəçisi son günlər sosial şəbəkələrdə uşaqlar arasında zorakılıqla bağlı yayılan narahatedici faktları təkrarlayır və hər kəsi belə hallara xüsusi diqqət və həssaslıqla yanaşmağa çağırır.

Xüsusi vurğulanmalıdır ki, uşaqlar arasında zorakılıq öz xarakterinə görə, işin hər iki tərəfində uşaqların olması və faktın ağırlığından asılı olmayaraq, onların hər birinin xüsusi spesifikliyi ilə xarakterizə olunur, xüsusi müdafiəyə və fərdi yanaşmaya ehtiyacı var.

Təəssüflər olsun ki, son vaxtlar uşaqlar arasında baş verən zorakılıq halları ölkədə illərdir kəskin şəkildə davam edən və Xalq Müdafiəçisinin daim diqqət mərkəzində saxladığı qeyri-effektiv qarşısının alınması mexanizmlərinin və kifayət qədər dəstək xidmətlərinin olmamasının nəticəsidir.

Uşaqlar arasında zorakılıq faktlarının vaxtında aşkar edilməsi və onlara effektiv cavab verilməsi mühüm əhəmiyyət kəsb edir ki, bunun üçün yetkinlik yaşına çatmayanlarla işləyən mütəxəssisləri uşaqlar arasında münaqişəli vəziyyətin idarə edilməsi, təhlükəsiz mühitin təmin edilməsi, zorakılıq əlamətlərinin dərhal aşkar edilməsi barədə məlumatlandırmaq və onlara zorakılıq və cavab mexanizmləri barədə davamlı təlim vermək lazımdır. Uşaqların öz hüquqları, zorakılığın ağır nəticələri və zorakılıqdan müdafiə mexanizmləri haqqında məlumatlandırılması xüsusilə vacibdir.

Oxşar hallar barədə məlumat verərkən və ya açıqlama verərkən uşaqlara uyğun, həssas yanaşmadan istifadə etmək, məxfiliyi qorumaq və bu prosesdə uşaqlar üçün baş verə biləcək təhlükə və zərərləri nəzərə almaq lazımdır.

Dövlət orqanları tərəfindən uşaqlar arasında zorakılıq hallarına reaksiya verilərkən uşağın ən yüksək maraqlarına yönəlmiş yanaşma ilə vaxtında, səmərəli və idarələrarası əlaqələndirilmiş fəaliyyət mühüm əhəmiyyət kəsb edir.

Xalq Müdafiəçisi Aparatı həm uşaqlara qarşı, həm də uşaqlar arasında zorakılıq hallarının ayrı-ayrılıqda öyrənilməsini, sistem xarakterli problemlərin araşdırılmasını davam etdirir və müəyyən edilmiş problemlərə uyğun olaraq bütün aidiyyəti qurumlara tövsiyələr verir.