28 may 2020-ci il tarixində keçirilmiş onlayn konfransda Gürcüstanın xalq müdafiəçisi Nino Lomcaria yerli özünüidarə orqanlarının gender siyasətini qiymətləndirdi və qadınların iqtisadi cəhətdən gücləndirilməsi imkanlarına xüsusi diqqət yetirən Aparat tərəfindən hazırlanmış xüsusi bir hesabat təqdim etdi. Tədbirin moderasiyası xalq müdafiəçisi müavini Yekaterine Sxiladze tərəfindən aparıldı.

BMT-nin Qadın Təşkilatı Layihəsi - "Qadının İqtisadi Gücləndirilməsi üçün Birgə Səylər" çərçivəsində və Norveç Hökumətinin dəstəyi ilə Xalq Müdafiəçisi Aparatı bölgələrdəki gender bərabərliyi baxımından mövcud vəziyyəti və qadınların ehtiyaclarını öyrəndi. Ölkənin 7 bölgəsində 800 nəfərlə həyata keçirilmiş 85 görüşdə yerli səviyyədə mövcud nailiyyətlər və problemlər müəyyənləşdirildi. Eyni tədqiqat yerli özünüidarəetmə təşkilatlarda gender siyasətini gücləndirmək, onların hədəflərini yaxşılaşdırmaq və qadınlara iqtisadi cəhətdən gücləndirmək üçün tövsiyələr hazırladı.

"COVID-19, gender əsaslı şiddət, qadınların sağlamlığı, təhsili, məşğulluğu, gəliri və dolanışıqına əlavə təsir göstərir. Xüsusilə bu gün yerli özünüidarəetmə orqanlarının qadın hüquqlarının yaxşılaşdırılmasında həlledici rolu var, çünki bölgələrdə yaşayan qadınların iqtisadi, sosial və ya siyasi hüquqlarından istifadə edə bilmək onların əlindədir.

Bu tədqiqat özünüidarəetmə vahidlərində gender bərabərliyinə nail olmaq üçün nələrin edildiyini və hansı fəaliyyətlərin bələdiyyələrin diqqətindən kənarda qaldığını yaxşı göstərdi.

Xüsusilə, Yerli Özünüidarəetmə Gender Bərabərlik Fəaliyyət Planı Gürcüstanın 64 bələdiyyəsindən 57-si tərəfindən hazırlanmışdır. Təəssüf ki, əksər hallarda (61%), gender bərabərliyi şuralarının fəaliyyət planı üçün müvafiq büdcəsi yoxdur. Lakin praktikada şuraların yerli büdcədən maliyyələşdirildiyi nümunələr var.

Düşünürəm ki, bizim tapıntılarımız və tövsiyələrimiz gələcəkdə yerli xalqın ehtiyaclarına müsbət təsir göstərəcək və gender bərabərliyi baxımından institusional mexanizmin davamlılığını daha da gücləndirəcək özünüidarəetmə orqanlarının gender siyasətini dəqiq müəyyənləşdirməyə kömək edəcəkdir", - deyə xalq müdafiəçisi bildirdi.

Konfransda BMT Qadın Təşkilatının Gürcüstan Ofisinin nümayəndəsi Erika Kvapilova və Norveçin Gürcüstandakı səfiri Helena Sand Andresen salamlama nitqləri söylədilər.

Xalq Müdafiəçisi Aparatının Gender şöbəsinin əməkdaşı Ana Lobjanidze yerli özünüidarə orqanlarının gender siyasətinin qiymətləndirməsini təqdim etdi.