18 oktyabr 2023-cü il tarixində Gürcüstanın Xalq Müdafiəçisi Levan İoseliani Beynəlxalq Qızıl Xaç Təşkilatının (BQXK) Gürcüstandakı nümayəndə heyətinin rəhbəri Anne Montavoni və təşkilatın hüquq müşaviri Onisime Tsxomelidze ilə görüşüb.

Tanışlıq görüşündə Gürcüstanda davam edən silahlı münaqişələr nəticəsində zərər çəkmiş əhalinin hüquqi vəziyyəti, itkin düşmüş şəxslərin tapılıb vətənə qaytarılması prosedurları, onların ailə üzvlərinin hüquqlarının müdafiəsi məsələsi barədə danışılıb. Həmçinin milli səviyyədə humanitar hüququn gücləndirilməsi və zərər çəkmiş əhalinin qohumluq əlaqələrinin qorunub saxlanması məsələləri müzakirə olunub.

Tərəflər həmçinin gələcək əməkdaşlıq imkanları barədə razılığa gəliblər.