18 sentyabr 2025-ci il tarixində Gürcüstanın Xalq Müdafiəçisi Levan İoseliani Şida Kartli bölgəsində kiçik ailə evlərinə və ana və uşaq sığınacaqlarına baş çəkmiş, dövlət himayəsində olan uşaqlar, sığınacaqlardan faydalanan şəxslərlə görüşmüş, onların yaşayış şəraiti ilə tanış olmuşdur.

Müəssisələrin nümayəndələri, habelə qəyyumluq və himayə orqanının sosial işçiləri və psixoloqu ilə söhbət zamanı Xalq Müdafiəçisi uşaq hüquqlarının müdafiəsi ilə bağlı mövcud vəziyyətlə maraqlanıb. Uşaqların maraqlarının nəzərə alınmasının, onların bioloji ailəsi ilə münasibətinin, qeyri-formal təhsilinin, müstəqil həyata hazırlanmasının vacibliyinə xüsusi diqqət yetirilib.

Gürcüstanın Xalq Müdafiəçisi dövlət himayəsində olan uşaqların və sığınacaqların benefisiarlarının hüquqlarını qiymətləndirməyə davam edir və vurğulayır ki, onların yardımçı xidmətlərinin və onlarla işləyən hər bir mütəxəssisin həlledici rolunu nəzərə alaraq, mövcud xidmətlərin, o cümlədən profilaktik xidmətlərin gücləndirilməsi və onların hüquqlarının müdafiəsi və həyata keçirilməsi üçün mühüm əhəmiyyət kəsb edən əlavə xidmətlərin tətbiqi zəruridir.