3 may 2023-cü il tarixində Gürcüstanın Xalq Müdafiəçisi Levan İoseliani 300-ə yaxın insanın yaşadığı Qori sosial evinə baş çəkdi. Xalq Müdafiəçisi sakinlərlə görüşüb, onların şəraiti ilə tanış olub, binaya baxış keçirib.

“Birmənalı şəkildə deyə bilərəm ki, bu gün Qori sosial evində gördüyüm vəziyyət qədər çətin vəziyyətlə heç vaxt qarşılaşmamışam. Binada hamam belə yoxdur və bu ailələr, o cümlədən uşaqlar, məhdud imkanlı şəxslər belə şəraitdə yaşamalı olurlar.

Biz hər şeyi edəcəyik ki, yerli və mərkəzi hökumət vəsait tapsın və bu insanları normal şəraitdə məskunlaşdırsın”, - deyə Xalq Müdafiəçisi bildirib.

Keçmiş narkoloji mərkəzin binasında yerləşən Qori sosial evində 80-ə yaxın ailə yaşayır. Yaşayış məntəqəsində kanalizasiya və drenaj sistemləri yoxdur; Təchizatlı mətbəx və fərdi hamam otağı yoxdur. Sakinlərin təmiz sudan istifadə imkanı yoxdur ki, bu da sakinlərin həyat və sağlamlığı üçün xüsusi təhlükə yaradır.

Qorinin sosial evlərinə yerləşdirilən vətəndaşların vəziyyəti ilə bağlı Xalq Müdafiəçisi Şida Kartli qubernatoru Mixail Şakulaşvili ilə görüşüb.