Xalq Müdafiəçisi Ədliyyə Nazirliyi tərəfindən yaradılmış çoxfunksiyalı şura ətrafında səslənən müxtəlif mövqelərə cavab verir və hesab edir ki, çoxfunksiyalı şuranın daha sistemli və effektiv olması üçün Ədliyyə Nazirliyi/Xüsusi Penitensiar Xidmət Mixail Saakaşvilinin sağlamlığının tam qorunmasını təmin etməlidir.

Şuranın konsultasiyası üçün bir növ protokol hazırlanmalıdır ki, bu da şuranın xəstənin yanına nə qədər tez-tez gedib gəlməsini, şuranın iclasının keçirilməsinə təşəbbüs göstərilməsi məsələlərini (xəstənin, şəxsi həkimin, vəkillərin pozisyalarını nəzərdə tutaraq), şüranın dəqiq mandatını, şuranın səlahiyyətlərini, onların nəticələrinin hüquqi vəziyyətini müəyyən edir. Həmçinin şuranın tərkibinə yenidən baxılmalı, yaradılan ehtiyaclar nəzərə alınmaqla mütəxəssislər dairəsi genişləndirilməlidir.

Xalq Müdafiəçisi Aparatı bu günədək Şuranın işini yaxından izləyib, onların nəticələrinə və tövsiyələrinə tam nəzarət edib. 18 saylı tibb müəssisəsinə baxış zamanı şuranın rəyində göstərilən ehtiyaclara müəssisənin uyğunluq dərəcəsi qiymətləndirib.

Hələlik çoxfunksiyalı şuranın prinsipial, səriştəli, yüksək peşəkarlıq fəaliyyətindən Xalq Müdafiəçisi Aparatını şübhə altına almağa əsas verəcək heç bir səbəb müəyyən edilməyib.

Beləliklə, Xalq Müdafiəçisi hesab edir ki, indiki çoxfunksiyalı qrup fəaliyyətini dayandırmamalı, fəaliyyətini daha çoxşaxəli və intensiv şəkildə davam etdirməlidir. Nazirlik Şuranın mütəmadi səfərlərinin və səmərəli fəaliyyətində bürokratik əngəllərlə qarşılaşmamasını təmin etməlidir.

Bununla belə, Xalq Müdafiəçisi qeyd edir ki, Xalq Müdafiəçisi Aparatı məhbusun sağlamlığının qayğısına qalmaq kontekstində dövlətin məsuliyyətini əvəz edə bilməz və xəstənin müalicəsinin taktikasını müəyyən edə bilməz. Xalq müdafiəçisi hüquqların dövlət tərəfindən müdafiəsinə nəzarət edir və gələcəkdə də yalnız mandat çərçivəsində fəaliyyətini davam etdirəcək.

Ədliyyə Nazirliyi/Penitensiar Xidmət onların yaratdığı çoxfunksiyalı şuranın tövsiyələrini nəzərə alaraq məhkumun sağlamlığının qayğısına qalmaqda davam etməlidir. Eyni zamanda, Xalq Müdafiəçisi zərurət yaranarsa, çoxfunksiyalı şuranın işi ilə paralel olaraq qanunla ona verilmiş nəzarət səlahiyyətindən istifadə etməyə, müvafiq tibbi məsləhətlər almaq üçün sahə üzrə mütəxəssisləri/ekspertləri dəvət etməyə, xəstənin sağlamlığı ilə bağlı ekspert rəyləri və tövsiyələr hazırlamağa hazırdır.