İyunun 27-də Şərqi Gürcüstanda bələdiyyələrin merləri ilə görüşdə Xalq Müdafiəçisi Levan İoseliani yerli özünüidarəetmə orqanlarında insan hüquqlarının müdafiəsi və reallaşdırılması məsələlərindən danışıb. İclasda həmçinin Tbilisi şəhər şurası sədrinin birinci müavini Qiqa Axvlediani və Şəhər Şurasının deputatı və “Ateadeaze”nin icraçı direktoru Nino Ruxadze iştirak edib.

Xalq Müdafiəçisinin birinci müavini Tamar Qvaramadze iclas iştirakçılarını Xalq Müdafiəçisinin 2024-cü il üçün ölkədə insan hüquq və azadlıqlarının vəziyyəti haqqında hesabatında özünüidarələrə diqqət yetirməklə işlənmiş nəticələr və tövsiyələrlə tanış etdi; tövsiyələrin həyata keçirilməsinin vacibliyini vurğuladı. O, etnik azlıqların, uşaqların, məhdud imkanlı şəxslərin və qocaların ehtiyaclarından, sosial mənzillərdə çətinliklərdən danışıb.

Görüşün sonunda aparılan müzakirədə tərəflər informasiya mübadiləsi və insan hüquqlarının reallaşdırılması üçün düzgün istiqamətin müəyyənləşdirilməsi üçün belə görüşlərin əhəmiyyətini vurğulayaraq, gələcəkdə sıx əməkdaşlıq barədə razılığa gəliblər.

Tədbir Yerli Özünüidarəetmə Orqanları Assosiasiyasının təşkilatçılığı və Tbilisi Şəhər Şurası tərəfindən keçirilib.