2025-ci il mayın 1-də Gürcüstanın Xalq Müdafiəçisi Levan İoseliani Kutaisi Beynəlxalq Universitetinin tələbə və professorları ilə ölkədə insan hüquq və azadlıqlarının müdafiəsinin vəziyyəti ilə bağlı illik hesabatın əsas nəticələri barədə danışıb.

O, işğal olunmuş ərazilərdəki mövcud vəziyyəti, o cümlədən təhlükəsizlik problemlərini, gürcü dilinin tədrisinə qoyulan məhdudiyyətləri, sosial xidmətlərə çıxışı və etnik gürcülərin miqrasiyasını xüsusi vurğulayıb.

O, həmçinin qadın hüquqları, erkən nikah, məişət zorakılığı, qadın qətli, cəzaçəkmə müəssisələrində məhkumlar üçün zorakılıq davranışının korreksiyası proqramının daha fəal tətbiqi və həyata keçirilməsinin zəruriliyindən, bunun üçün stimullaşdırıcı mexanizmlərin yaradılmasının zəruriliyindən danışıb.

Məhkumların hüquqlarına gəlincə, o, ömürlük azadlıqdan məhrum edilmiş məhbusların ədalət mühakiməsi və şərti azadlığa buraxılması mexanizmlərini, mövcud qanunvericilik aktlarını və praktikada qarşıya çıxan çətinlikləri nəzərdən keçirib.

Görüş sual-cavab rejimində keçdi.