Milli İnsan Hüquqları Təşkilatlarının Avropa Şəbəkəsinin (ENNHRI) Baş Assambleyasında Gürcüstanın Xalq Müdafiəçisinin birinci müavini Tamar Qvaramadze 3 il müddətinə ENNHRI və GANHRI Rəhbərlik Şurasının üzvü seçilib. Tamar Qvaramadze 2025-ci ilin mart ayından Danimarka, Almaniya, Şimali İrlandiya, Ukrayna və Sloveniyanın insan hüquqları institutlarının nümayəndələri ilə birlikdə səlahiyyətlərini həyata keçirməyə başlayacaq.

Bundan əlavə, Xalq Müdafiəçisi Aparatı Milli İnsan Hüquqları Təşkilatlarının Qlobal Alyansının (GANHRI) Bürosunda ENNHRI-nin regional nümayəndəsi seçilib ki, bu da Ofis üçün böyük nailiyyətdir.

28-29 oktyabr 2024-cü il tarixlərində Brüsseldə keçirilən Baş Assambleyada ENNHRI və GANHRI-nin illik fəaliyyət hesabatı, maliyyə hesabatları, xəbərlər və strateji planlaşdırma prosesi müzakirə edilib və 2025-ci il üçün prioritetlər razılaşdırılıb.

Oktyabrın 29-30-da “Silahlı münaqişələr vəziyyətində fəaliyyət göstərən MHİT-lərin rolu və funksiyaları” adlı konfrans keçirilib, burada silahlı münaqişələrdə insan hüquqlarının müdafiəsi institutlarının rolu və funksiyaları təhlil edilib, mövcud problemlərin müəyyənləşdirilməsi metodları müzakirə edilib və şəbəkəyə üzv təşkilatlar tərəfindən həyata keçirilən tədbirlər haqqında məlumat verilmişdir.

Brüsseldə keçirilən tədbirlərdə Xalq Müdafiəçisi Aparatının beynəlxalq əlaqələr şöbəsinin rəhbəri Mariam Tavdqiridze də iştirak edib.