25 iyul 2025-ci il tarixində Gürcüstanın Xalq Müdafiəçisi Levan İoseliani Batumidə Türkiyə Respublikasının Baş Ombudsmanı Mehmet Akarca və Türkiyə nümayəndə heyətinin digər nümayəndələri ilə görüşüb.

Görüşdə Levan İoseliani və Mehmet Akarca regionda insan hüquqlarının müdafiəsi baxımından mövcud vəziyyəti müzakirə edib, iki ölkənin insan haqları qurumları arasında uzun müddətdir mövcud olan əməkdaşlığı vurğulayıb və bu əlaqələri davam etdirməyə hazır olduqlarını bildiriblər.

Gürcüstan və Türkiyənin Ombudsmanları penitensiar sistemdə müasir texnologiyaların tətbiqi, ekstradisiya prosesinin təkmilləşdirilməsi, miqrantların hüquqlarının müdafiəsi və digər sahələrdə illərdir səmərəli əməkdaşlıq edirlər.