Hər gün dünyada on minlərlə insan müharibələr və əsas insan haqlarının pozulması səbəbi ilə vətənlərini və ya daimi yaşayış yerlərini tərk etmək məcburiyyətində qalırlar və onların sayı ildən-ilə artır. Hazırda dünyada 30 milyondan çox qaçqın və sığınacaq axtaran da daxil olmaqla 82 milyondan çox məcburi köçkün var. Kovid pandemiyasının səbəb olduğu hərəkət çətinliklərinə baxmayaraq, keçən il Gürcüstanda sığınacaq müraciətlərinin sayı çox idi.

Gürcüstanın Xalq Müdafiəçisi konstitusiya mandatı çərçivəsində sığınacaq axtaran şəxslərin hüquqlarının həyata keçirilməsinə nəzarət edir və illik parlament hesabatında Gürcüstanda sığınacaq axtaranların və beynəlxalq qoruma alan şəxslərin hüquqi statusunu əks etdirir.

Gürcüstanın Xalq Müdafiəçisi 20 İyun - Beynəlxalq Qaçqınlar Gününün qeyd olunmasına qoşulur və ümid edir ki, dövlət məcburi köçkünlərin, o cümlədən sığınacaq axtaranların və beynəlxalq qorunması olan şəxslərin hüquqlarını qorumaq üçün daha fəal tədbirlər görəcəkdir. Bu şəxslərin qovulma, ayrıseçkilik, ksenofobiya və digər əsas hüquq pozuntularından qoruyacaq hüquqları barədə ictimaiyyətin məlumatlandırılması da vacibdir.