Gürcüstanın Xalq Müdafiəçisi siyasətçilərin və yüksək rütbəli məmurların Məhdud imkanlı şəxslərə qarşı stiqmanı ehtiva edən son bəyanatlarına cavab verir.

Gürcüstanın Xalq Müdafiəçisi dəfələrlə qeyd edir ki, “autizm” termininin alçaldıcı kontekstdə istinad edilməsi yolverilməzdir, çünki bu, Məhdud imkanlı şəxslərə münasibətdə cəmiyyətdə köklü sosial stiqmanın və yanlış fikirlərin güclənməsinə kömək edir, onların özgəninkiləşdirilməsinə gətirib çıxarır, cəmiyyəti bu şəxslərə qarşı yönəldir və gələcəkdə onların ayrı-seçkiliyə məruz qalması təhlükəsi yaradır. Bundan əlavə, cəmiyyətdə formalaşan yanlış stereotip baxışlar Məhdud imkanlı şəxslərə və onların ailə üzvlərinə ciddi psixo-emosional travmalar törədir.

Məhdud İmkanları olan insanlar, o cümlədən autizmli və psixi sağlamlıq problemləri olan insanlar Gürcüstanda hələ də yüksək damğalanır və stereotiplərə məruz qalırlar, buna görə də onlar əsas insan hüquq və azadlıqlarından istifadə edərkən çox vaxt ayrı-seçkiliyin qurbanına çevrilirlər. Bunun fonunda siyasətçilərin və ictimai xadimlərin mövcud stereotipləri daha da gücləndirən, yanlış münasibətlərin formalaşmasına töhfə verən nifrət nitqindən ibarət bəyanatları xüsusilə narahatlıq doğurur. Siyasətçilərin və ictimai xadimlərin ictimai siyasi debatlarda yalan, stereotipik bəyanatlar verməmək və ya nifrət nitqindən istifadə etməmək üçün xüsusi öhdəliyi var.

“Məhdud imkanlı olan şəxslərin hüquqları haqqında Konvensiyanın” 8-ci maddəsi üzv dövlətlərdən Məhdud imkanlı şəxslərin hüquq və ləyaqətinə hörmətin təmin edilməsi üçün müvafiq tədbirlər görməyi tələb edir. Müvafiq olaraq, Gürcüstanın Xalq Müdafiəçisi dövlətin ictimai maarifləndirməyə yönəlmiş tədbirlərin həyata keçirilməsini vacib sayır və hər kəsi əlilliyi olan insanlara qarşı damğa və ayrı-seçkilik xarakterli münasibət ifadə edən bəyanatlardan çəkinməyə çağırır.