2 may 2025-ci ildə Ayrı-seçkiliklə Mübarizə üzrə Milli Mexanizmin yaradılmasından 11 il ötür.

Xalq Müdafiəçisi 11 il ərzində ayrı-seçkilik iddiası ilə bağlı 1500-dən çox işə baxıb, onların əsasında 110 tövsiyə, 53 ümumi təklif verib, 4 barışıq sazişi imzalayıb. Bundan əlavə, 28 amicus curiae rəyi təqdim edilmişdir. Bərabərlik məsələləri ilə bağlı müvafiq respondentlərə 26 müraciət göndərib və konkret tədbirlərin görülməsinə çağırıb. 13 xüsusi məruzə, 1 dərs vəsaiti, 6 video çarx, 2 elektron tədris kursu hazırlanmışdır.

2014-cü ildən etibarən Milli Anti-diskriminasiya Mexanizminin, yerli və beynəlxalq təşkilatların, müxtəlif dövlət qurumlarının, özəl şirkətlərin səyləri ilə ölkədə bərabərlik baxımından mövcud vəziyyətin yaxşılaşdırılması istiqamətində bir sıra müsbət addımlar atılıb. Lakin təəssüf ki, son qanunvericilik dəyişiklikləri çoxsaylı problemlərin əsasına çevrilmişdir.

Dövlətin bərabərhüquqlu cəmiyyət quruculuğunu təşviq etməsi və bu məqsədə uyğun qanunvericilik və icra siyasətini həyata keçirməsi vacibdir.

Digər tərəfdən, Milli Bərabərlik Qurumu ayrı-seçkiliyin qarşısının alınmasına, maarifləndirmə tədbirlərinə, bərabərlik məsələləri ilə bağlı fəaliyyət göstərən aktorlarla əməkdaşlığa və ayrı-seçkiliyə qarşı siyasətin təbliğinə yönəlmiş fəaliyyətini fəal şəkildə davam etdirəcək.

Gürcüstanda bərabərliyin vəziyyəti haqqında xüsusi hesabata baxın