Xalq Müdafiəçisi “CD Company” MMC-də işləyən qadına qarşı cinsi sıxışdırma faktını müəyyən edib və 5 iyul 2022-ci il tarixdə şirkətin direktoruna tövsiyə ilə müraciət edərək, gələcəkdə işçilərə qarşı cinsi sıxışdırma ilə məşğul olmamağı və təhqiredici, alçaldıcı və/və ya onların ləyaqətinə uyğun olmayan mühit yaratmağa çağırıb. “Safari” AİP Xalq Müdafiəçisinin Aparatında ərizəçinin maraqlarını təmsil edib.

Ərizəçi “CD Company” MMC-də işləyirdi. Xidmətə başlayandan az sonra şirkət direktoru onunla qeyri-iş məsələlərlə bağlı sistemli yazışmalara başlayıb. Qadın əvvəldən müdirinə izah edib ki, onun şəxsi həyatı barədə danışması qəbuledilməzdir, lakin işəgötürən şəxsi həyatı ilə bağlı suallar verməkdə və ona rəğbətini ifadə etməkdə davam edib. İşəgötürən ərizəçinin sosial şəbəkələrini də fəal şəkildə izləyib və fərdi foto ilə bağlı fikirlərini bölüşüb. Ərizəçi bütün sosial şəbəkələrdə işəgötürəni blokladıqdan sonra müdir artıq onun işini bəyənmir və tez-tez narazılığını bildirməyə başlayır. Nəticədə qadın işini tərk etməli olub.

İş üzrə halların və sübutların təhlili zamanı müəyyən edilib ki, cavabdeh (işəgötürən) tərəfindən arzuolunmaz cinsi yazışmalarda təzahür edən və ərizəçi üçün düşmənçilik, təhqir və ləyaqəti alçaldan mühit yaradan cinsi sıxışdırma olub.

Qeyd olunanları nəzərə alaraq, Xalq Müdafiəçisi öz tövsiyəsində şirkət rəhbərini cinsi sıxışdırmanın qarşısını almaq üçün iddia edilən cinsi sıxışdırma faktı ilə bağlı şikayət və araşdırma prosedurlarını özündə əks etdirən daxili təşkilati sənəd hazırlamağa çağırıb.