Gürcüstanın Xalq Müdafiəçisi Aparatı USAİD-in Qanunun aliliyi Proqramının dəstəyi ilə “Uşağın hər iki valideynlə münasibəti ilə bağlı işlərdə ədalətin həyata keçirilməsi” adlı xüsusi hesabat hazırlayıb.

Sənəddə yetkinlik yaşına çatmayanın valideyndən ayrılması hallarında ədalət mühakiməsinin həyata keçirilməsi prosesində uşağın hər iki valideynlə münasibətlərinin problemləri və hüquqi tənzimləmə və təcrübə təqdim olunur. Onların arasında uşağın valideynlə münasibətlərinin vaxtında bərpası, məhkəmə qərarlarının icrası, yetkinlik yaşına çatmayanın valideyndən ayrılması, yetkinlik yaşına çatmayanın ailəyə reinteqrasiyası və bununla bağlı uşaqların və valideynlərin dəstəklənməsi məsələləri var.

Hesabat 2020-2021-ci illərdə uşağın valideynlərdən ayrılması ilə bağlı 13 işin, 15 qərarın və 214 əmrin təhlili, bütün aidiyyəti dövlət qurumlarından tələb olunan məlumatlar və müvafiq mütəxəssislərin müsahibəsi əsasında intizamlərarası əlaqələr nəzərə alınmaqla və beynəlxalq standartlarla hazırlanıb.

Tədqiqat nəticəsində müəyyən edilmiş problemlərə əsaslanaraq, Xalq Müdafiəçisi Aparatı uşağın hər iki valideynlə münasibəti ilə bağlı mövcud qanunvericilik, siyasət və təcrübənin təkmilləşdirilməsi üçün tövsiyələr hazırlayıb.