27 oktyabr 2022-ci il tarixində Gürcüstanın Xalq Müdafiəçisi Aparatı Tbilisi dövlət məktəblərindən on beş şagirdi qəbul etdi. Görüş çərçivəsində Xalq Müdafiəçisinin müavini Giorgi Burcanadze şagirdləri insan hüquq və azadlıqlarının əsas prinsipləri, Xalq Müdafiəçisinin mandatı və Aparatın strukturu ilə tanış edib.

Xalq Müdafiəçisinin fəaliyyət formaları və müxtəlif sahələrdə qarşıda duran vəzifələr müzakirə olunub. Yetkinlik yaşına çatmayanların hüquqlarının pozulmasının təhlükələri, aparata müraciət etmək imkanları vurğulanıb. Bundan əlavə, söhbətdə insan hüquqlarının maarifləndirilməsi istiqamətində həyata keçirilən fəaliyyətlərə də toxunulub.

Görüşün sonunda Giorgi Burcanadze şagirdlərin onlar üçün vacib olan insan haqları məsələsi ilə bağlı suallarını cavablandırıb.

Görüş Gürcüstanın ABŞ Hökuməti Mübadilə Proqramları İştirakçıları Assosiasiyası (EPAG) tərəfindən təşkil olunub.